Скопјани платиле над 44 милиони евра за парно, но и тоа не било доволно за ЕСМ
Објавено во: Економија 29 Мај, 2024
ЕСМ направил речиси 10 милиони евра загуба во првата целосна година откако го презема управувањето на Балкан Енерџи за да обезбеди топлинска енергија за загревање на скопјани.
„ЕСМ Дистрибуција“ во 2023 направила трошоци од безмалку 53 милиони евра (3.228.648.081 денари) за обезбедување на гас и топлинска енергија, а загубата била 9,62 милиони евра (-587.342.123 денари).
Наплатата на сметките за парно греење од страна на „ЕСМ Снабдување“ во текот на 2023 од граѓаните и правните лица изнесувала 44,7 милиони евра, а приближно толку биле и прикажаните трошоци на ова новоформирано претпријатие од АД ЕСМ во текот на енергетската криза. Позитивен исход има единствено „ЕСМ Производство“ кои од работењето на топланите има 15 милиони евра и добивка од околу 2,78 милиони евра.
Сите три фирми-ќерки на ЕСМ кои го заменија работењето на оние на Балкан Енерџи Груп, според достапните податоци, во просек имаат над стотина вработени.
Според она што тогаш дојде како најава од Регулаторната комисија за енергетика, пред една година ЕСМ Дистрибуција бараше зголемување на тарифата за 50 насто, ЕСМ Снабдување за 54,2, а ЕСМ Производство намалување од 29,42 отсто, но сепак беше одредено од 1 јули 2023 цената да не се зголемува радикално.
Во меѓувреме во текот на 2024, поради стабилизацијата на цените на гасот и благите температури, РКЕ соопшти дека се намалува цената за 35 отсто за деловните корисници и за јавните установи.
АД ЕСМ од јануари 2022 влезе во привремено управување на фирмите-ќерки на Балкан Енерџи Груп кои ги загубија трите лиценци за производство, снабдување и дистрибуција на топлинска енергија.
Во меѓувреме БЕГ и неговите три фирми-ќерки и натаму собираат приходи. Балкан Енерџи Производство има наплата од 5,85 милиони евра и добивка од 4,55 милиони евра со само двајца вработени. Не е познато дали овие пари се од заостанати неплатени сметки, или од ЕСМ.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
НАЈЧЕВСКА: За мене силна економија е таа во која нема сиромашни и бездомници
НИКОГАШ ПОСКАПО: Цените на кафето највисоки во последните 27 години
БОЖИЌЕН БОНУС ЗА ПЕНЗИОНЕРИТЕ ДО 600 ЕВРА: Кој град од регионот ја нуди оваа привилегија?
ЕВЕ КАКО ИЗГЛЕДААТ ШЕСТЕ ЕКОЛОШКИ АВТОБУСИ, ЌЕ СЕ ДВИЖАТ ПО ВНИМАТЕЛНО ПЛАНИРАНИ ЛИНИИ ВО СКОПЈЕ - свеченост за донацијата од Европската унија
Ова е велешкото економско чудо! Кој може и знае како да заработи 4,2 милиони евра за девет месеци од ивоз на конци и предива?
Засилени контроли на патарините, казни од по 200 евра за неплаќачите
ТРГОВСКИТЕ БАРИЕРИ НА ТРАМП ЌЕ БИДАТ ИСКЛУЧИТЕЛНО БОЛНИ ЗА ГЕРМАНСКИТЕ КОМПАНИИ: Еве на што предупредуваат економистите
Винарија Камник со најмногу освоени медали и два трофеи на саемот Винска визија на Отворен Балкан
Авионска линија Прага-Скопје, партнерство со универзитети – иницијативи на Божиновска за поблиски односи со Чешка во бизнисот, образованието и енергетиката
