Скопје травел маркет 2013: Каде годинава на одмор?

Добивај вести на Viber

Во четврток започнува меѓународниот саем за туризам „Скопје травел маркет“ каде што ќе бидат промовирани повеќе атрактивни места за патување и на него ќе се претстават тур-операторите и туристички агенции од Македонија и пошироко. Саемот се одржува по трет пат и на него ќе изложуваат 20 поголеми домашни туристички агенции, 20 хотели, тур оператори и угостителски објекти. „Скопје травел маркет од година во година станува се поинтересна крстосница за протагонистите од областа на туризимот.Со оглед на намалениот буџет поради кризата, задоволни сме од интересотза нашиот пазар и привлекување на домашните туристи кон странство.Одржувањето на овој саем се наметна од фактот за туризмот како значајна стопанска гранка која има значајна улога во економскиот развој,“ истакна Магдалена Хамбова, оперативен директор на „Скопје травел маркет 2013“. Годинава најавени се гости од Србија, Турција, Црна Гора, Унгарија, Албанија, Грција, Северен Кипар и Италија, а за прв пат ќе учествува тур-оператор од Аман за промоција на верски туризам. Саемот ќе трае до сабота.