Добивај вести на Viber
За 24 часа во светот со коронавирус се заразиле 659.000 луѓе. Oвој податок синоќа го објави Светската здравствена организација (СЗО).
Најголем број случаи имало во Европа – 41 процент (275.728 случаи), па потоа следуваат Северна и Јужна Америка (220.277) и Југоисточна Азија (94.908).
Досега, 2.820.098 луѓе починаа од коронавирусот. Најмногу заразени има во САД, каде што Ковид-19 е потврден кај повеќе од 31,24 милион луѓе. Потоа следуваат Бразил со 12,84 милиони лица заболени од коронавирус, Индија со 12,3 милиони лица, Франција со 4,69 милиони, Русија со 4,55 милиони и Велика Британија со 4,33 милиони. Зад нив се Италија, Турција и Шпанија, а потоа следат Германија, Колумбија и Полска.
Источен Тимор, Доминика, Нова Каледонија, Лаос, Макао, Фарските острови и неколку други засега немаат починати од вирусот.
foto freepik