Следи бумеранг: нафташите ќе се дават во проблеми?

Добивај вести на Viber

ОПЕК и поедини произведувачи надвор од таа група можеби ќе се договорат за замрзнување на производството на неформални разговори следниот месец.

Но тоа би можело да има бумеранг ефект бидејќи ќе им донесе корист на другите произведувачи, проценува инвестицоната банка „Goldman Saks“.

Договорот би пратил сигнал дека новиот саудиски министер за енергетика е спремен на соработка после шест неуспешни обиди, но замрзнувањето на производството веројатно ќе се покаже контрапродуктивно доколку доведе до понатамошен раст на цените и зголемување на понудата на други произведувачи, се наведува во извештајот на аналитичарите на оваа банка, пренесе Блумберг.

Цените на нафтата зајакнаа за преку 20 отсто откако се појавија шпекулации дека преговорите во септември би можеле да доведат до стабилизација на пазарот.

„Саудиска Арабија и Иран продолжуваат да се фокусираат на пазарниот дел и изгледа дека не се волни едноставно да прифатат замрзнување“, наведува „Goldman Saks“ во извештајот и додава дека понудата ќе остане клучен покренувач на цената во наредните недели, како и дека нема показатели дека растот на побарувачката слабее.

„Goldman Saks“ ја задржа проекцијата на цената на нафта од 45 до 50 долари за барел до наредното лето, и подвлече дека цените и фундаменталното опоравување и понатаму се слаби.

Во Лондон северноморската нафта „брент“ за испораки во октомври синоќа е тргувана по цена пониска за 1,72 долари во однос на петок, на ниво од 49,16 долари за барел.

Во Њујорк , американската „лесна“ нафта WTI за септемвриски испораки ослабнала за 1,47 долари на 47,05 долари за барел.