СЛУЧАЈ ТРУСТ: Сведокот вознемирен, жестоко реагира на сослушувањето

Добивај вести на Viber

Во судот денеска се одржува ново судење поврзано со случајот „Труст“ во кој прв осомничен е бизнисменот Сеад Кочан.

Се сослушуваат сведоци а жестока реакција обвинителот на СЈО слушна од Артан Ајро.

Имено, сведокот Феим Имери не може да ги потврди потписите дали му продал механизација на Кочан.

Сведокот е сопственик на  „Фичо сервис“ . Тој од СЈО доби на увид договори за продажба на багери, лифкери, гасеничари и беше прашан дали неговата фирма навистина ја продала опремата наведена во договорот и дали „Трансмет“ е купувачот.

Како што пишува плусинфо сведокот рекол дека договорот е негов, но не може да се произнесе прецизно што е продадено врз основа на договорот, па од СЈО, за да го потсетат извадија и фактури за наводно продадена механизација и го прашаа сопственикот на фирмата дали ќе може да ги препознае и дали се негови.

„Станува збор за фактури кои „Трансмет“ на Кочан ги навел во тендерската документација за која СЈО вели дека има фалсификувани  документи за поседување градежна механизација и чии ориганали СЈО не можело да ги пронајде во фирмата на сведокот.

Сведокот рече дека фактурите се негови, меморандумот е негов, но за потписите не можеше да потврди. За некои рече дека не може да ги види добро, за друг дека потписот личел на неговиот, но не може да потврди, а посочи и дека досега имал 2-3 различни потписи. Тој не можеше да ги потврди потписите на фактурите, но успеа да го препознае и потврди потписот на документот кој му го издал СЈО кога ги одзело фактурите од неговата фирма“, рекол Имери. 

Во еден момент сведокот на обвинителот Ајро со зборовите: „Вие да не сакате сѐ да ви кажам јас“.

Во случајот „Труст“ според СЈО Сеад Кочан, Василије Авировиќ и Сафет Ватиќ, тројцата нелегално добиле тендер од 17 милиони евра за ископ на јаглен и јаловина во РЕК „Битола“.