Сметки за парно: Како БЕГ ја мери количината на топлина?

Добивај вести на Viber

Исклучените граѓани од системот за парно  не попуштаат пред притисокот. Пред Регулаторната комисија за енергетика денеска излегуваат на јубилеен педесетти протест. Велат нема повлекување, правдата мора да се истера докрај. На денешниот протест ќе  зборуваат  за писмата кои здружението „ Но пасаран “ ги упати до нотарите но и за судењата. Во оваа ситуација велат е суштински  важно исклучените граѓани што повеќе да ги одолговлекуваат судењата за да неосудени го дочекаат укинувањето на овие срамни одредби. “Предмет на првото подготвително  рочиште по тужбата која исклучените од Топлификација ја покренаа против БЕГ и Регулаторната комисија за енергетика се  повредите  на човековите права на исклучените од системот.  Самата тужба е така конципирана, да веднаш штом домашните судови ќе ја одбијат, постапката ќе продолжи во Судот во Стразбур”-велат граѓаните. [caption id="attachment_202442" align="aligncenter" width="603"] Основниот начин на мамење се калориметрите, сметаат граѓаните[/caption]   Тие реагираат  на начинот на  „ мерење  со калориметри “ за кој велат  не е точен, а чие  користење Регулаторната комисија за енергетика го одобрила на крајот од март 2009-тата  година. Овој неточен начин на мерење според нив   е основна причина за „астрономските и изненадувачки сметки“ за парно. “Има неколку начини за неточниот начин на мерење, наречен мерење со калориметри и тоа преку наплатата на ангажирана моќност, потоа поделба на системот наречена либерализација и  применa на двојно повисоки цени над училиштата, градинките, факултетите и другите јавни установи. Основниот начин на мамење се калориметрите. Секое мерење подразбира постоење на грешки во мерењето. Калориметрите истовремено вршат три  мерења. Едно мерење на проток и две мерења на температура. Кај скопска Топлификација калориметрите се поставени на влезот од подстаниците. За системот кој се користи во Скопје е карактеристично дека свежата вода која влегува во подстаницата се меша со повратната вода и таа мешавина циркулира низ радијаторите. Значи вака поставените калориметри воопшто не ја мерат количината на вода која циркулира ни радијаторите туку само количината на вода која доаѓа до подстаницата. Истиот калориметар, кога би се поставил на друго место, на пример после мешачкиот вентил, би покажал сосема други резултати.  Логично прашање е зошто не ги преместат калориметрите така да покажат точна вредност. Одговорот е едноставен, затоа што вака поставените калориметри покажуваат многу поголема количина на потрошена топлина”-објаснуваат граѓаните. Вака поставените калориметри велат покажуваат многу поголема потрошувачка  за поголема   наплата. Оттука доаѓаат и високите сметки за топлинска енергија кои за многумина станале неисплатени и наталожени долгови за услуга која не ја користат, а мораат да ја плаќаат. Граѓаните се лути бидејќи  агонијата  не прекинува, па наместо за покривање на тековните трошоци за комуналии и  на месечните трошоци за домаќинство,  тие плаќаат извршители  и заостанати долгови  иако се исклучени од системот. Здружението поднесе и барање за иницијатива за измени на Законот за енергетика. На 12 март следниот месец ќе се одржи 52 -от протест на кој ќе се одбележи една година  од  протестите кои секоја сабота станаа препознатлив израз  на незадоволство во центарот на Скопје. Институциите досега не се одважија  и сеуште не одвоија време да ги чујат маките на околу 20 000 домаќинства кои се соочуваат со истиот проблем. Разочараните граѓани велат  дека  институциите на нив ќе се сетат пред изборите, но се прашуваат како ќе им го објаснат  досегашниот игнорантски однос кој со години ги прави “слепи”  пред неправдата која им е нанесена на илјадници семејства. Првите  тужби  до надлежните судови на исклучените граѓани од системот за парно им биле одбиени, па правна разрешница не очекуваат во  домашните, туку пред  меѓународните судови. С.Б.