Смртни закани за кипарскиот државен врв!

Добивај вести на Viber

Смртни закани денеска стигнаа на адресите на претседателот на Кипар Никос Анастасијадес и гувернерот на Централната банка Паникос Димитријадес поради одлуката да го спроведат наметнатото оданочување на депозитите, поголеми од сто илјади евра во двете најголеми кипарски банки.

„Групата за спас на депозитите“, која се заколна дека за тоа ќе се залага до смрт е потпишана на писмото со закана.

„Ве предупредуваме дека не блефираме. Ќе почнеме со вашите внуци, потоа ќе преминеме на вашите деца, а за крај ќе ве оставиме вас, за да ве боли, толку колку што не боли нас“, стои во заканата.

Анонимните претставници на групата  наведуваат дека „не припаѓаат на ниту една партија, ниту организација“, но се колнат дека Анастасијадес и Димитријадес ќе умрат.

Весникот „Политис“ наведува дека од летокот, кој и е предаден на полицијата, јасно се гледа дека неговите автори „се подготвени на злосторство и дека дури имаат луѓе за негово извршување“.

Групата нагласила и дека има „професионалци, чии услуги добро се плаќаат, кои не се плашат од ништо и кои ги интересираат само пари“.

„Нашата група е активна на цел Кипар и ќе ги казнува оние кои не доведоа до сегашната состојба“, се наведува во летокот.