18 Јуни, 2019
0.0217

Снаата на Ласкова се „избриша“ од основачите за Декодикс да го добие грантот

Објавено во: Економија 10 Октомври, 2018

Снаата на Цветанка Ласкова, Христина Керкез, во Централниот регистар официјално е избришана од листата на основачи на компанијата Декодиск Доо, трговско друштво за истражување, инженеринг, производство, трговија и услуги, кое доби неповратен грант од Фондот за иновации и технолошки развој во висина од 20.000.000 денари.

Со тоа Керкез официјално се повлече од сопствеништво над фирмата. Договорот со „Декодикс“ не е потпишан и парите не се исплатени токму поради поврзаноста на фирмата со лице носител на јавна функција, откако за тоа дознаа медиумите. Поранешната естрадна работничка Цветанка Ласкова е советничка за култура во кабинетот на премиерот Зоран Заев.

Дали ќе им бидат исплатени парите зависи од Комитетот за одобрување инвестиции во Фондот за инвестиции и технолошки развој. Фондот побара од компаниите со одобрени грантови да достават изјави за поврзаност со носители на јавни функции под притисок на јавноста откако беше објавено дека државни пари добиле приватни фирми поврзани со актуелни функционери. Фирмите во кои како сопственици се јавуваат вицепремиерот за економски прашања, Кочо Анѓушев, и пратеникот Хари Локвенец, се откажаа од одобрените грантови и ги повлекоа апликациите. Комитетот повторно ќе ги разгледува апликациите на компаниите кои се изјаснија дека се поврзани со лица на јавни функции, меѓу кои е и „Декодикс“.

Директорот на Фондот, Јован Деспотовски, пред неколку дена изјави дека во пресрет на седницата на Комитетот на која ќе се одлучува за четирите компании, добиле известување од „Декодикс“ за промена на сопственичката структура.

„Пред десетина дена во Фондот е доставено известување од компанијата ‘Декодикс’ за почната постапка за изземање од сопственичката структура на Христина Керкез. Очекуваме и известување дека е направена промената, но тоа нема да влијае на Комитетот, кој секако ќе ја разгледа и апликацијата на оваа компанија и ќе донесе одлука дали да им бидат исплатени средствата исто како и на другите три компании кои доставија изјави дека се поврзани со носители на јавни функции“, изјави за „Макфакс“ директорот на Фондот, Јован Деспотовски.

Централниот регистар постапувајќи по пријавата за упис на промена - истапување на основач со пренос на удел, го избриша името на Христина Керкез. Како сопственици на „Декодикс“ остануваат Горан Кунгуловски, Иван Кунгуловски и Нина Ангеловска.

„Декодикс“ како микро-претпријатие од ИТ-секторот за проектот „Декодирај ме“ доби неповратни средства од 19,95 милиони денари и заедно со своето учество од 8,56 милиони денари направи вкупен буџет од 28,5 милиони за иновацијата, меѓу десетици други компании-добитници.

А.К.

Можеби ќе ве интересира

Во следните неколку дена горива ќе се точат по овие цени

Во следните неколку дена горива ќе се точат по овие цени

МЗШВ: Праските во Росоман се откупуваат, се надмина проблемот со Русија

МЗШВ: Праските во Росоман се откупуваат, се надмина проблемот со Русија

ВРАЌАЊЕ ОД ОТПИШАНИТЕ: Биткоинот го урна овогодишниот рекорд

ВРАЌАЊЕ ОД ОТПИШАНИТЕ: Биткоинот го урна овогодишниот рекорд

Со буџет од дваесет милиони денари Владата ќе праќа работници со ниски примања на одмор

Со буџет од дваесет милиони денари Владата ќе праќа работници со ниски примања на одмор

УТРИНСКИ ФОКУС: Кому дивидендата му донесе повеќе од 100.000 евра-„се тресат“ осум министерски фотелји

УТРИНСКИ ФОКУС: Кому дивидендата му донесе повеќе од 100.000 евра-„се тресат“ осум министерски фотелји

Кои се акционерите што лани земаа најмногу пари од дивиденда?

Кои се акционерите што лани земаа најмногу пари од дивиденда?

Познато колку Апостолска, Шапуриќ, Даути и другите ги „помогнале“ Кромберг и Шуберт, Гентерм, Леар, Ендава....

Познато колку Апостолска, Шапуриќ, Даути и другите ги „помогнале“ Кромберг и Шуберт, Гентерм, Леар, Ендава....

Еврото падна, но доларот е отпорен на трговската војна

Еврото падна, но доларот е отпорен на трговската војна

Ако се селите во Германија, една работа за вас може да биде невозможна мисија

Ако се селите во Германија, една работа за вас може да биде невозможна мисија