СНИМАТЕЛ НА АЛ ЏЕЗИРА ЗАГИНА ВО ГРАНАТИРАЊЕ НА УЧИЛИШТЕ: Самер Абудак беше убиен во израелскиот напад на јужниот дел на Појасот Газа
Објавено во: Свет 16 Декември, 2023
Камерманот на Ал
Џезира, Самир Абудак, е убиен во израелски напад врз училиште во Кан Јунис,
јужно од Појасот Газа, јавува Anadolu Agency.
Ал Џезира објави дека службите за итни случаи не можеле да дојдат до нивниот снимател поради интензивното гранатирање и урнатините на пат до местото каде што бил погоден.
Во овој напад беше ранет и новинарот и шеф на канцеларијата на Ал Џезира во Газа, Ваел Дахдух, кој беше погоден од шрапнел во раката и половината. Тројца работници од цивилната одбрана беа убиени и во израелски напад врз училиште во Кан Јунис.
Припадниците на тимот за цивилна заштита загинаа додека се обидуваа да спасат цивили во училиштето Фархана, соопшти палестинското Министерство за внатрешни работи.
Овие посветени работници „ги извршуваа своите хуманитарни должности“ во центарот Кан Јунис во јужниот дел на Појасот Газа, се вели во соопштението.
ФОТО: EPA-EFE/ALAA BADARNEH