СО ГОЛЕМ КУЈНСКИ НОЖ НАПАЃАЛ ЛУЃЕ НА УЛИЦИТЕ ВО ЛАС ВЕГАС: Двајца мртви, шестмина ранети!

Добивај вести на Viber

Напаѓач со голем кујнски нож вчера уби две лица и рани шест на главната улица во Лас Вегас, во Соединетите Американски Држави, пред да биде уапсен, соопшти полицијата.

Ранетите се префрлени во болница, тројца од нив се во критична состојба, останатите се стабилни, соопштено е во Лас Вегас.

Полицијата соопшти дека почнала да прима повици за нападите околу 11:40 часот по локално време (20:40 часот по средноевропско време) од улицата спроти казиното и хотелот Вин.

An apparently unprovoked stabbing attack outside a casino on the Las Vegas Strip left two people dead and six others injured. The Las Vegas Metropolitan Police Department did not announce a motive for the attack but said that a suspect was in custody. https://t.co/p4EsZziZAi

— The New York Times (@nytimes) October 7, 2022

Според полицијата, убиени се двајца граѓани на Лас Вегас.

Полицијата го опиша осомничениот како маж на околу триесет години и додаде дека работи на потврдување на неговиот идентитет. Тој не е жител на Лас Вегас.

Нападите со нож биле неиспровоцирани, соопшти полицијата.

Во еден момент напаѓачот почнал да бега, по што следеле лица кои повикале полиција. Подоцна бил приведен. Полицијата пронашла голем, долг нож за кој се верува дека бил употребен во нападот.

„Немаше други учесници во нападот, а булеварот каде што се случи сега е безбеден“, изјави шерифот Кларк Џо Ломбардо.

Ломбардо рече дека жртвите на злосторството биле локални жители и туристи.

Полицијата соопшти дека е премногу рано да се шпекулира за можниот мотив за убодите со нож.

This raw video shot by Montreal tourist Pierre Fandrich shows one of the victims of a mass stabbing on the Las Vegas Strip. Eight were stabbed. Two are dead. Three are critical. | Coverage: https://t.co/v6L29iayAt pic.twitter.com/Ve5gm2M905

— Brett Clarkson (@BrettClarkson_) October 6, 2022