СО МАСКИ: Од шест до осум гости од исто семејство на маса - еве какви протоколи бараат угостителите од Влдата

Добивај вести на Viber

Вчера во емисијата „10 МИНУТИ“ во ТВ21 беше Перица Голомеиќ, сопственик на угостителски објект и еден од организаторите на денешниот протест, кој истакна дека не биле опфатени во петтиот пакет на мерки како што очекувале.

„Од 26 јули ни е воведна забрана за вршење на нашата примарна дејност, забрана за крштевка, свадба, коорперативен натан. Поради тоа ќе ја блокираме раскрсницата булевар Александар Македонски во Автокоманда од 14 до 17 часот, со цел да испратиме апел до Владата да ни издаде протокол за работа. Првенствено да работиме. И да ни помогне финансиски, затоа што ние ги плаќаме нашите обврски и веќе не можеме да продолжиме со тој интензтет“, порача Голомеиќ.

„Да ни се дадат ригорозни протоколи според кои ќе работиме. Од шест до осум гости да седат на иста маса, тоа ќе бидат луѓе од иста фамилија. Наше лице ќе ги смести на маса, ќе бидат со маски, единствено ќе ги симнуваат маските кога ќе вечераат или одат до тоалет. Бендот ќе свири на пет метри од првата маса, ќе има средства за дезинфекција на секоја маса“, изјави Перица Голомеиќ, еден од организаторите на протестот, во разговор за ТВ21, пренесува Фокус.

Протестот на угостителите, на кој ќе му се приклучија и останати лица од свадбарската индустрија, како музичари, фотографи, сопственици на цвеќари и салони за венчаници и декорирање, почнува денес од 14 часот. Тие ќе ја блокираат раскрсницата на булеварот Александар Македонски во населбата Автокоманда од 14 до 17 часот.

Бараат итно укинување на забраната за секаков вид на настани во отворен и затворен дел од угостителските објекти, односно бараат државата да донесе протоколи со кои ќе можат да се прават свадби, крштевки, родендени…