Со нов закон Хрватска ќе го урива монополот на Ина

Добивај вести на Viber

Хрватската влада треба во јануари 2013-та да го претстави новиот закон за јаглеводороди со кој ќе се утврдат сите детали поврзани со истражувањето и производство на нафта и гас, со што се планира да се обезбедат значително повисоки приходи за Хрватска отколку досега. Овој закон треба да биде основа за распишување на меѓународните тендери за концесија и стотици милиони евра на инвестиции кои би  следеле. Сепак, законот треба да се разгледува и во контекст на спорот помеѓу хрватската Влада и унгарскиот МОЛ, а во рамки на националната нафтена компанија ИНА. Во овој контекст, Законот за јаглеводороди е дел од новата стратегија на хрватската влада, своите стратешки интереси во енергетскиот сектор да ги заштити , независно од сопственоста во стратешки важните компании. Законот за енергија е веќе донесен, со кој Владата доби овластување да пропишува обврски за  модернизација на стратешки важните енергетските објекти, а законот за јаглеводороди треба да обезбеди многу понапреден систем за управување со рудните богатства, либерализацијата на пазарот и обезбедување правна сигурност на инвеститорите. Ова го нема во сегашниот закон , што резултираше со тоа никој освен Ина да не вложува во развој на идните наоѓалишта. Монополот кој трае половина век, сега треба да биде прекинат, па иако новиот закон нема да ја стави Ина во нееднаква положба во однос на конкуренцијата, логично е да се претпостави дека ова е форма на притисок врз унгарската компанија Мол која ја управува Ина на начин од кој владата не е задоволна. Иако лидерите на хрватската влада одбија секаква можност да влезат во спор со МОЛ пред каков било каква конечна пресуда против Иво, според неофицијалните информации од МОЛ зесега нема преговори за промена на управувачката структура во хрватскиот нафтена компанија ИНА, ниту пак компанијатата во моментов е подготвена да преговара со владата.