СО ПЕТИЦИЈА ЌЕ БАРААТ ПОБРЗО ДА МИНУВААТ ГРАНИЦА: На Србите им збоктиса од чекање на Прешево - „залудно е, што ќе ти смени петицијата во Македонија?“

Добивај вести на Viber

На фејсбук групата Во живо од Грција, еден од српските туристи им се обрати на сограѓаните со барање да потпишат петиција за побрзо да го минуваат граничниот премин Прешево во летниот период, кога е зголемена фреквенцијата на туристи.

„Оваа група брои речиси 200.000 членови и мислам дека е крајно време да започнеме акција (петиција) за побрзо преминување на границата во Прешево во текот на сезоната.

Сите знаете колкав пекол е преминувањето на границата во сезона... време е да ја покажеме нашата сила, доколку се приклучат туристичките агенции и превозниците, можеби ќе успееме.

Мое мислење е дека интегрираната транзиција не е решение и дека не оди побрзо или многу малку побрзо.

Треба да побараме од Владата и Муп да го модернизираат тој премин на кој било начин и да го забрзаат протокот на луѓе.

Да донесат повеќе луѓе, да постават повеќе контејнери ако треба да ангажираат сезонски работници.

Колку пати сум видел на камерите дека на влезот во Србија работат само 2 ленти, па кога колоната ќе стане огромна, дури тогаш ја пуштаат третата лента.

Секој кој поминал 3 часа во автомобил на 45 степени, станува потенцијален убиец во сообраќајот.

Претпоставувам дека Србија е способна да купи и опреми 10 контејнери и да донесе 10 луѓе да работат во нив.Дајте ни достоинство кога влегуваме или излегуваме од Србија.

Немојте веднаш да велите дека нема шанси, да пробаме, има време до летото 2024. Благодарам“, стои во објавата во групата „Во живо од Грција“.