Добивај вести на Viber
Американскиот гигант Кока Кола ќе го разгледа прашањето за дебелината во серија реклами, чие емитување започна во САД, каде што последиците по здравјето од конзумирањето на безалкохолни пијалоци сеуште предизвикуваат бројни спорови, соопшти АФП.
Компанијата преку соопштение објави дека планира емитување реклами на националните кабелски телевизии кои ќе го потсетат луѓето дека сите калории имаат значење за контрола на тежината, вклучувајќи ги и оние од производите на Кока Кола.
Кока Кола ја потврди и својата посветеност да понуди поголем избор на пијалаци, вклучувајќи и поголем број нискокалорични производи, а на сите нив јасно ќе биде означен бројот на калории содржани во производот.
Во втората реклама, од компанијата посочуват дека ќе стават на знаење дека една лименка Кока Кола има 140 калории.Компанијата потсетува дека таа веќе поддржува серија иницијативи за промовирање на вежбањето и според нив, Кока Кола е првата ваква компанија во САД, која обезбедува информации за калориите на своите производи.
Тужбите за штетите од безалкохолните пијалоци беа поттикнати од неодамнешната делумна забрана за продажба на шишињата од повеќе од 500 милилитри ваков пијалок во Њујорк. Одлуката што ќе стапи во сила во март и ќе се применува во рестораните, стадионите и кината, има за цел да се бори против дебелината во град во кој 58% од населението е со прекумерна тежина која е сериозна закана за здравјето.