СОБИРАЛЕ ОТПАД БЕЗ ДОЗВОЛА - Инспекторите открија четири компании без соодветна документација

Добивај вести на Viber

Четири компании кои се занимавале со собирање на отпад дејноста ја извршувале без соодветна документација, а едно од нив и без дозвола. Ова е констатирано од страна на инспекторите, па кон нив ќе бидат изречени казни, но ќе биде известен и јавен обвинител. 

- На 01.06.2023 од полициски службеници Единицата за економски и компјутерски криминал и полициски службеници од СВР Скопје, во соработка со инспектори од Државниот пазарен инспекторат (ДПИ) и Државниот инспекторат за животна средина (ДИЖС), извршена е акциска контрола на шест правни лица - отпади на подрачјето на Карпош во Скопје - соопштуваат од МВР.

Од таму додаваат дека во рамки на акциската контрола во четири од правните лица, од страна на ДПИ е констатирано дека немале соодветна документација за водење на материјална евиденција, а во едно од нив од страна на ДИЖС е констатирано дека не поседувало дозвола за вршење на дејност складирање и третман на отпад.

- За констатираните неправилности од полициските службеници од Единицата за економски и компјутерски криминал ќе биде известен Јавен обвинител, а од страна на инспекторатите ќе бидат изречени соодветни санкции - дополнуваат од МВР.