Сообраќајка со возило во кое имало мигранти: Еден загинал, десетина се повредени
Објавено во: Македонија 24 Август, 2019
На автопатот Демир Капија - Неготино се случила сообраќајна незгода во која учествувало и возило во кое имало мигранти.
Едно лице загинало, а единаесет мигранти се префрлени во болницата во Кавадарци, веднаш по несреќата. Додека еден мигрант кој бил со полесни повреди е предаден на полицијата за да биде вратен во камп.
Лекарите веднаш интервенирале со три возила на итната медицинска помош, изјави директорката на Здравтвсениот дом во Неготино, Билјана Филипова.
Според првичните информации возилото во кое имало мигранти се движело на патниот правец Демир Капија - Неготино, кое во близина на бензинската пумпа „Деп“ удрило во задниот дел на товарно возило што се движело во ист правец и по ударот се самозапалило.
Неофицијално од единаесете повредени лица, три поради посериозните повреди ќе бидат пренесени на Скопските клиники.
На местото на немилиот настан увид изврши јавен обвинител и полицијата.