Сопругата на рударскиот бос Тоневски стана директорка на Агенцијата за пошти
Објавено во: Економија 14 Август, 2025 14:39
Сопругата на Тони Тоневски, кој лани во октомври стана директор на рудникот „Булмак 2016“, е назначена за нов раководител на Агенцијата за пошти, тело кое го регулира работењето на АД Пошта, како и на другите поштенски оператори во земјата.
Марина Тоневска од Пробиштип од крајот на минатата недела е назначена за директорка на ова регулаторно тело на местото на Сретен Миладиноски, кадар на претходната власт.
Сопругот Тонески е поранешниот градоначалник на Пробиштип во два врзани мандати, а во моментов повторно е кандидат на ВМРО-ДПМНЕ за градоначалник на истата општина на следните локални избори.
Во меѓувреме стана и раководител на рудникот за олово и цинк од Пробиштип и Крива Паланка, кој ги има рудниците Злетово и Тораница, а е под концесија доделена на бугарскиот Минстрој Холдинг.
Тоневски е претседател на општинскиот комитет на ВМРО-ДПМНЕ Пробиштип, а едно време беше и технички директор во Јавното претпријатие за извршување на водостопански дејности Хидросистем „Злетовица“ - Пробиштип. Од 2008 до 2009 е директор на Управата за водостопанство во Министерството за земјоделство, шумарство и водостопанство.
Рудникот раководен од Тоневски изминатата пролет се најде во центарот на вниманието на еколошката јавност по хаваријата во рудникот „Тораница“, од каде се излеа технолошка вода во Крива Река. При тоа тој и рудникот тврдеа дека во реката не е излеан цијанид и други тешки метали.
Претходно, професорот Миладиноски на почетокот на минатата година беше избран за директор на Агенцијата за пошти како кадар на ЛДП и поранешен мнозински сопственик на кичевската мелничко пекарска индустрија „Жито Караорман“
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
