Добивај вести на Viber
Сопственикот на компанијата „Макпрогрес“, познати по кондиторските производи Винчини, Глигор Цветанов, ќе се испроба и во винската индустрија.
Тој вчера ги претстави двете нови вина на пазарот, нагласувајќи, како што реше, дека ова е уште еден успешно завршен проект.
“Почитувани пријатели, кон самиот крај на годинава сакам да споделам уште еден успешно завршен проект на кој со моите соработници работевме изминатиов период.
‚Макпрогрес' Виница иако веќе е интернационална компанија, својата инспирација ја црпи во регионот во кој е основана и е своевиден промотор на домашната економија во светот. Вчера во Хотел Ресторан Александар Парк Виница ги претставивме двете нови вина на пазарот, БЕЛ КАМЕН и ЦРН КАМЕН под брендот KRŠLA Vineyards.
Со соработката која после празниците ќе ја поттикнеме со локалните лозари, винските стручњаци, писателите, поетите и уметниците од Виница и регионов верувам дека ќе успееме во крајната цел а тоа е да го направиме нашиот регион светски познат вински регион со признат квалитет и препознатливост.
За претстојните празници наздравете одговорно со вината КРШЛА.“, напиша Цветанов на својот фејсбук профил.