Сорос е категоричен – Брегзит ќе значи „црн петок“ и пад на фунтата

Добивај вести на Viber

Милијардерот Џорџ Сорос, кој направи повеќе од милијарда долари обложувајќи се против фунтата во 1992 година за време на таканаречената Валутна криза, сега предвиде фрустрирачки пад на британската валута, ако Британците гласаат за напуштање на ЕУ.

Магнатот прогнозира уште поголем пад за фунтата од „Црната среда“, кога Британија мораше да излезе од Европскиот монетарен механизам и да ја обезвредни фунтата.

„Ако Велика Британија ја напушти ЕУ, тоа ќе има многу јасен и непосреден ефект, кој ќе влијае на секое домаќинство - вредноста на фунтата ќе падне нагло“, напиша во The Guardian 85-годишниот магнат.

Тој предвиде падот да е од најмалку 15%. „Тогаш по иронија една фунта ќе чини околу едно евро - метод за пристапување кон еврото кој никој во Велика Британија не го сакал“, додава Сорос.

Сорос предупредува дека напуштањето на ЕУ ќе доведе до кревање на цените и ќе предизвика губење на работни места и потенцијално може да предизвика рецесија. Еден од најбогатите луѓе на светот според магазинот Forbes предупредува дека моќните „шпекулативни сили“ се подготвени да ги искористат сите грешки на британската влада и избирачи .

Гласањето за Brexit ќе направи некои луѓе многуи богат, но повеќето гласачи ќе се обединат, пишува Сорос. Тој предвидува дека ако Британците се одлучат излегување од ЕУ, оваа недела ќе заврши со „црниот петок“ и ќе има сериозни последици за обичните луѓе.