Сорос најави подготвеност да инвестира 1 милијарда долари во Украина

Добивај вести на Viber

Милијардерот и основач на „Отворено општество“ Џорџ Сорос е подготвен да инвестира во Украина 1 милијарда долари, ако западните земји не им потпомогнат приватните инвестиции во земјата, информира „Ројтерс“.

Во интервју за австрискиот весник „Der Standard“ тој исто така ги одредува шансите Грција да излезе од еврозоната за околу една третина. Минатата недела оваа веројатност според него беше 50 проценти.

Сорос пред тоа ги повикал западните земји да ја зголемат помошта за Украина, изложувајќи чекори кон финансиски пакет од 50 милијарди долари, кој според него треба да биде разгледан како заштита против се повеќе агресивната Русија. Според него приватните инвестиции во економијата на Украина треба да се искористат со политичката поддршка на САД и ЕУ, кои ќе гарантираат дека ќе сторат сé за спроведувањето на договорите од Минск.

„Западот може да им помогне на Украина, со зголемена атрактивност на инвеститорите. Потребно е осигурување за политички ризик. Тоа може да е во форма на заедничко финансирање за каматите на ЕУ - многу блиску до нула“, изјавил Сорос во интервјуто.

Запрашан дали е подготвен да го следи примерот на Бил Гејтс, кој инвестира милијарди долари во развојот на Африка, Сорос одговорил потврдно. „Јас сум подготвен. Имам конкретни инвестициски идеи, на пример земјоделски и инфраструктурни проекти. Би можел да инвестирам 1 милијарда долари. Ова треба да го генерира профитот. Фондацијата ќе има корист од тоа. На приватната посветеност и треба силно политичко раководство“, додал тој.

Сорос повеќепати ја повика ЕУ да посвети дополнително финансирање за Киев и укор од Брисел дека се одложило решението за проблемот со Грција. На крајот на јануари тој ја објави статијата во која ја повикува Европа да помогне во создавањето на „просперитетна“ Украина, а во далечна иднина и на нова Русија. Тогаш тој предвидел дека на Киев му требаат 15 милијарди долари помош.

Во интервју за „Bloomberg“ Сорос изјавил дека Ангела Меркел и Франсоа Оланд би можеле „да учат од рускиот претседател Владимир Путин“ и да покажат тајна поддршка на една од страните во украинскиот конфликт. Според него европските лидери можат да испратат материјална помош за Киев, но да се одречат од ова јавно.