Советниците и соработниците во Владата добија многу поголеми плати
Објавено во: Економија 17 Ноември, 2023
Според последното ноемвриско ажурирање на листата на вработени советници и соработници во Владата, излегува дека тие во текот на оваа година добиле големо зголемување на нето платите.
Ако премиерот, вицепрмиерите, министрите и нивните заменици и натаму не сакаат да ги објават новите зголемени плати за 78 отсто, барем ако ништо друго можеме да видиме колкави се сега платите на советниците и соработниците во Владата а тие се сега многу повисоки.
Советникот за национална безбедност Зоран Верушевски останува со плата од околу 75.000 денари, но сега на таа висина се доближуваат и советниците за надворешни работи и за административно право. Ако на почетокот на годината овие две места беа платени со 55.000 нето плата, сега Ели Бојаџиеска Ристовски и Елена Оранска Петковска добиваат безмалку 72.000 денари плата.
Во канцеларијата на премиерот, Љубе Бошковски и Аксел Ахмедовски на почетокот од годинава имаа нето плати од 57.000 денари како советници за странски инвестиции и за решавање на правни прашања и постапки, а сега нивните плати се 72.000 денари. Од 57.000 на 72.000 денари зголемување добија и Тодор Богоевски и Елвис Мемети - советници за лица со попреченост, односно за инклузија на Роми.
Пет соработници на почетокот на 2023 добиваа нето плати од 55.268 денари. Сега се шест и се платени со 68.814 денари и тоа Фидан Колев (транспорт и врски), Ѓорги Тасев (млади и младински политики), Виктор Петрушевски (подршка на инвестициски проекти), Марија Филева (Берлински процес и соработка со Југоисточна Европа), Милан Живковиќ (труд и социјална политика) и Панче Милевски (спорт).
Во секторот за комуникации сега има 14 соработници, претежно поранешни новинари. Ако до пред некој месец нивните плати беа 55.268 денари, сега се движат од 68.814 до 71.902 денари.
Платите на секретарите кои ги водат секторите не се објавени. Мало зголемување има само кај надворешните соработници од 36.000 на 39.000 денари. А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
КОНЕЧНО И ПОРТАЛИТЕ ВЛЕГУВААТ ВО ЗАКОНОТ, ЌЕ СЕ РЕГУЛИРААТ И АГРЕГАТОРИТЕ - еве што носи новата нацрт верзија
Должник на МЕПСО од Косово пред суспензија од пазарот за електрична енергија
Еве ги најголемите економски патриоти! Кои се најголемите македонски извозници меѓу котираните компании?
ЛЕСНО ДО ГЕРМАНСКИ ПАСОШ: Не треба да се откажете од вашиот пасош, еве како да се пријавите
ДНЕВНИЦА 80 ЕВРА, А РАБОТНИЦИ НЕМА: Страшно недостигаат работници за оваа работа
СО ПОЛНА ПАРЕА СЕ ГРАДИ АВТОПАТОТ, ГОЛЕМА МОБИЛИЗАЦИЈА НА РАБОТНИЦИ: Николоски со добри вести, еве кога ќе е готов автопатот Охрид- Кичево
„НОВА ЕНЕРГЕТСКА КРИЗА ВО ЕВРОПА“: Се намалија испораките на гас, цените рипнаа за 45 проценти
