Спасовски негативен, останува во самоизолација
Објавено во: Македонија 01 Јуни, 2020
Само што ги добив резултатите од денешниот Ковид-19 тест. Тестот е негативен и немам никакви симптоми, а додека не ги добијам официјалните препораки од епидемиолозите ќе останам во домашна изолација, напиша техничкиот премиер Оливер Спасовски на фејсбук.
„На сите кои се соочуваат со вирусот им посакувам брзо оздравување и уште еднаш силно апелирам сите да ги почитуваме мерките, за да му овозможиме на здравствениот систем да ја одржи контролата врз кластерите каде се појавуваат нови случаи на заболени, додава Спасовски.
Тој беше тестиран откако имаше контакти со дел од раководството на СДСМ, а вчера со директорката Сања Лукаревска заедно беа во Куманово.