СПАСУВАЧКА АКЦИЈА ВО БОСНА: Работник шест дена бил заробен на планина
Објавено во: Балкан 27 Декември, 2024
Работник шест дена бил заробен на планина кај босанскиот град Бихаќ на екстремни минусни температури.
Тој е спасен и е безбеден. Четиричлена екипа на ГСС Бихаќ тргнала од Заваље за да го спаси завеаниот работник на Плешевица, кој шест дена се криел во контејнер на екстремни температури и снег.
Како што велат, планинарската патека Заваље – Буква била непроодна поради над еден метар снег, па екипата одела по друг пат иако бил подолг.
„По осум километри, моравме да продолжиме пеш низ длабок снег користејќи чевли за снег. Работникот го најдовме околу 21.30 часот во контејнер, каде што помина шест дена поради невремето и студот. Беше неповреден и имаше доволно храна, но истоштен“, велат од ГСС Бихаќ.
На враќање движењето било забавено поради болката и заморот на човекот, што ја отежнало акцијата.
„По 12 часа и 26 километри поминати во искачување на 1.600 метри, акцијата беше успешно завршена во 4.30 часот со пристигнувањето во Заваље. Оваа тешка и исцрпувачка интервенција уште еднаш ја покажува одлучноста и подготвеноста на нашите екипи“, нагласи ГСС Бихаќ.
Снежно невреме го зафати Балканот. Во Босна и Херцеговина(БиХ) деновиве поради снежното невреме 200.000 домаќинства останаа без струја.Можеби ќе ве интересира
КРВНА ОДМАЗДА КАЈ ТРАВНИК: Човек убил маж кој пред десет години му го убил синот
БЕЛГРАД: Автомобил ја проби блокадата, удри студент и го носеше на хауба
ЧИНИ НАД ДВE МИЛИЈАРДИ ЕВРА: Каква функција ќе има грчката „Железна купола“?
САРАЕВО Е ЧЕТВРТИ НАЈЗАГАДЕН ГРАД НА СВЕТОТ: Каде е Скопје на листата?
НА КОПАОНИК КАКО СЕ ДА Е ПОЗЛАТЕНО! Детален ценовник за храна и пијалоци
УАПСЕНИ СЕ ДВАЈЦА СЛУЖБЕНИЦИ: Косовската полиција упадна во зградата на Општина Грачаница
ХРВАТСКА: На сила е црвен метеоролошки аларм, ветерот ќе достигне ураганска сила од 185 км/ч
СНЕЖНО НЕВРЕМЕ И ВО БУГАРИЈА: Во Боровец нема струја
ЦРВЕН МЕТЕОАЛАРМ ВО ХРВАТСКА: Спасувачите извлекоа трудница од снежната бура! „Не излегувај, тоа е опасно по живот“
