Спуштени рампите за либиските авиони во земјите на ЕУ
Објавено во: Свет 11 Декември, 2014
Европската унија денеска забрани слетување на европските аеродроми на авионите на сите седум либиски авиопревозници, соопштува комесарката за транспорт Виолета Булц.
Забраната е воведена поради проценката дека поради внаатрешните судири во Либија овие компании повеќе не ги исполнуваат основите на безбедните стандарди пропишани со европското законодавство.
Безбедноста на патникот е на прво место, изјавила комесарката, додавајќи дека Европската комисија е подготвена да им помогне на Либијците повторно да добијат дозвола кога состојбата на терен ќе го дозволи тоа.
На црната листа на ЕУ од исти причини веќе се наоѓаат авиокомпаниите од Авганистан, Ангола, Хонг Конг, Џибутиј, Екваторска Гвинјеа, Еритреја, Филипини, Габон, Индонезија, Казахстан, Киргистан, Либерија, Непал, Мозамбик, Сиера Леоне, Сао Томе и Принципе, Судан и Замбија.