Србија и Словенија се виновни за заробените девизи од СФРЈ

Добивај вести на Viber

Неможноста да им се вратат девизните заштеди на штедачите од Србија и Словенија ,за времето на поранешната СФРЈ,не ги ослободува земјите наследнички на Федерацијата од нивната одговорност, смета  Европскиот суд за човекови права ,пишува „Дојче веле“. Според Судот од Стразбур на сите оштетени  треба да им се исплати отштета за изминатиот период. ,,Словенија е одговорна за повреда на правата на мирно уживање на сопствеништво и правото на ефективно средство на штедачите кои своите девизни заштеди ги вложиле надвор од Словенија, како и Србија за неисплатените девизни заштеди вложени во Инвест банка надвор од Србија. Иако тужбата беше насочена и против Македонија, таа е ослободена од обвинението“,стои во текстот. - Македонија беше тужена како една од земјите наследнички на поранешна Југославија, но таа веќе се согласи да им ги врати „заробените стари“ девизни заштеди во домашните банки и локалните филијали на странските банки, без оглед на државјанството на штедачите.Според пресудата Словенија е одговорна за враќање на старите девизни заштеди кон штедачите на филијалите на Љубљанска банка надвор од Република Словенија, а Србија е одговорна за враќање на старото девизно штедење кон штедачите на Инвест банка надвор од Србија ,пишува во текстот. Преговорите за наследството на СФРЈ е можно да се усложнат и дека Македонија би можела да добие 75 милиони евра од некогашна Љубљанска банка, како и 20 милиони од српската Инвест банк,ако се потврди пресудата.