Србија и Словенија со заедничка жалба во Стразбур поради одлуката за старите девизни заштеди

Добивај вести на Viber

Владите на Србија и Словенија се согласиле заеднички да се жалат за пресудите на Европскиот суд во Стразбур, кој се однесува на старите девизни заштеди, изјави српскиот  министерот за финансии и економија, Млаѓан Динкиќ, „Српскиот и словенечкиот премиер се согласија да направат заеничка жалба како одговор на пресудата на Европскиот суд во Стразбур во врска со старите девизни заштеди, бидејќи во процесот на сукцесија е утврден територијален принцип на плаќање на заштедите. Имотот на српските банки во поранешните југословенски републики не беше вратен и затоа сметаме дека пресудата на Европскиот суд е неоправдана“, изјави Динкиќ за Танјуг. Тој додава и дека двете влади, заедно со Министерството за финансии ќе состават силен правен тим, на кој експерти од Србија со своите колеги од Словенија со сите правни средства за да се обидат да ја оспорат пресудата. „Во секој случај, ако треба да се покрене прашањето на граѓаните кои досега не се исплатени, а ги има во сите поранешни републики, ги има исто така и во Србија, на пример штедачитево  Нова Љубљанска банка кои не живееле во Србија туку во Словенија не се исплатени, што би требало да се реши на нов собир на сукцесорите“, бара Динкиќ.