СРБИЈА: Осигурувањето на автомобилите поскапе за 45%!

Добивај вести на Viber

Во Србија денеска стапи на сила новата минимална тарифа за осигурување на сопствениците на моторни возила од одговорност за штета предизвикана на трети лица и според неа, задолжителната полиса за осигурување за сите категории возила е повисока за 45%. Здружението на осигурителни компании од Народната банка на Србија добило дозвола да ја зголеми цената на осигурителните полиси задолжителни за регистрација на возилата. Но, возачите се револтирани. Според претседателот на Националната организација на потрошувачи на Србија Горан Паповиќ, зголемувањето на цените на осигурителните полиси е резултат на нечие „добро лобирање“ и дека на овој начин осигурителните компании сакаат да си ја покријат штетата од исплатите што ќе треба да ги направат за поплавите. „Не ни е јасна одлуката на Народната банка на Србија да даде согласност за зголемување на цените, бидејќи досега имаше пракса растот на овие цени да се усогласува со инфлацијата. Се поставува прашање дали ваквата одлука е додворување на осигурителните компании“, изјавил Паповиќ. Од Здружението на осигурителни компании појаснуваат дека поскапувањето е резултат на воведувањето на т.н. бонус-малус систем со кој се казнуваат лошите возачи, а се наградуваат добрите со бонуси. Притоа само 1% од возачите во србија имале „малус“ како санкција за извршени прекршоци, а доделувањето на поголем број бонуси предизвикало намалување на премиите за автоодговорност. Исто така, придонело и воведувањето на фиксен надомест од 5% за Републичкиот фонд за здравствено осигурување од собрантаа бруто премија. Дополнбителна причина е и зголемувањето на лимитот за исплата на штети во Србија, кој стапува на сила во октомври и е неколкупати повисок од сегашниот лимит.