СРЕДБА ЗАЕВ - ВАРХЕЈИ: Европскиот пат е важен за двете страни, и за Македонија и за ЕУ
Објавено во: Македонија 29 Септември, 2021
Неколку теми биле во фокусот на разговорот меѓу премиерот Зоран Заев и еврокомесарот за проширување Оливер Вархеји. Тие денеска имаа средба во Скопје.
За средбата, Заев информираше на Твитер.
„Отворено разговараме на неколку теми како што е Економскиот инвестициски план, кој е навистина силен позитивен импулс за нас, до конкретни проекти кои ќе бидат објавени до крајот на годината. Една од темите за разговор ни беа и подготовките кои ни претходат за претстојниот Самит за Западен Балкан во Словенија следната недела каде што ќе имаме одличен простор за заедничка дискусија. Европскиот пат е важен за двете страни, и за Северна Македонија и за ЕУ, и посветени сме на тој процес“, информираше Заев.
Посетата на Вархеји следува по вчерашната на претседателката на Европската комисија Урсула фон дер Лајен. Таа ја охрабри Македонија да работи на реформи и да не се откажува од членството во ЕУ.Вархеји минатата недела беше во Бугарија, каде што разговараше за надминување на бугарската блокада за почеток на преговорите на Македонија со ЕУ. Додека не се реши овој спор, нема старт на преговори за земјава.