Среќа или судбина: Единственото преживеано дете во нападот во Пакистан задоцнило на час

Добивај вести на Viber

Дали задоцнетиот аларм му го спасил животот на 15 годишниот Пакистанец, Давид Ибрахим или судбината ги замешала своите прсти па сега тој е единствен преживеан меѓу 132 негови врсници. Семејството на Давид изјавило дека тој всушност задоцнил  за во школо и на тој начин само тој од својот клас успеал да го преживее крвавиот масакар што талибанските бунтовници го извршија во военото училиште во Пешавар. Во училиштето бил спроведен вистински хорор. Талибаните убивале едно по едно дете и на тој начин настрадале повеќе од 100 ученици. „Давид имаше голема среќа. Не отиде во училиште бидејќи претходната вечер бевме на свадба и наредниот ден тој не го слушна алармот за во школо“, изјавил Суфјан, братот на Давид. Тој додал дека по масакарот Давид не сакал да разговара со никого. „Давид тренира џудо и е цврст дечко, но сега не покажува никакви емоции. Цел ден го помина одејќи на погреби. Никој од неговото одделение не преживеа. Сите се мртви“, нагласил братот на Давид. Меѓу убиените била и директорката на училиштето, Тахира Кази, чие тело спасувачките екипи го пронашле во рушевините додека трагале по преживеани.