„СРЕЌНО ВРАЌАЊЕ ДОМА“: Швајцарците ѝ испратија авионска карта во еден правец на лидерката на АфД и нејзиното семејство

Добивај вести на Viber

Како резултат на силната кампања која АфД ја практикуваше во предизборниот период во Германија, деновиве на социјалните мрежи се шири против кампања насочена кон лидерката на партијата. 

Станува збор за авионски карти со кои и испраќаат сигнал да се врати во Германија. Ова е симболичен одговор на кампањата на АфД во Германија, во која десничарската партија им делеше лажни картички за депортација на имигрантите, сугерирајќи им да ја напуштат земјата.

Швајцарската алијанса за директна демократија покрена јавна кампања со која бара лидерката на АфД, Алис Вајдел, лидерката на крајно десничарската партија Алтернатива за Германија (АфД), да ја напушти Швајцарија и да се врати во Германија. 

Иницијативата вклучува и испраќање на симболично писмо со авионски карти.

Во писмото до Вајдел, иницијаторите посочуваат дека го ценат нејзиниот избор за живот во швајцарското село заедно со своето „мултикултурно семејство со различни бои“, но нагласува дека сите дојденци треба да се интегрираат и да ги прифатат швајцарските семејни вредности и традиции.

- Како пример за директна демократија и застапник на усогласеноста, Швајцарија го наоѓа своето единство во различноста. Рецепт за успех кој очигледно ве убедил на приватен план.

За жал, моравме постојано да откриеме дека вашите политички активности се во спротивност со овој дух. Затоа љубезно би сакале да ве замолиме повторно да ја напуштите нашата земја. Швајцарија не е повлекување за државно-загрозувачки и агресивни сили.

Во прилог е повратниот билет за вашата сигурна татковина - стои во објавата на социјалните мрежи. 

Во рамки на оваа сатирична кампања, испратени се лажни авионски билети за Германија, со што се алудира на нејзиниот живот во Швајцарија, и на контрадикторните политички ветувања кои се спротивно на нејзиниот приватен живот. 

Картата е симбиличен одговор на кампањата на АфД во Германија, во која десничарската партија делеше лажни авионски карти за депортација на иселениците, со кој им порачуваа да ја напушата земјата и да се вратат во своите матични земји. 

Швајцарските активисти сега ја применуваат истата тактика против Вајдел со испраќање на симболични авионски карти и испраќаат порака да ја напушти Швајцарија и да си се врати во Германија.