Српската полиција во невозможна мисија:Како до доказ дека Мишковиќ подмитувал политичари

Добивај вести на Viber

Докажувањето дека некои политичари земале мито од Мирослав Мишковиќ ќе биде многу тешка мисија, дури и ако самиот Мишковиќ каже некои имиња, сметаат експертите. Шефот на антикорупцискиот тим Богдан Пушиќ изјавил дека Мишковиќ кажал дека на некои од политичарите им има дадено пари, но кажал и оти за тоа ќе зборува кога ќе дојде време. Но за некој од политичарите да биде  обивнет за мито нема да биде доволна само изјава, туку и матерјални докази. Најдобро е некој од  нив да биде фатен на дело , но тоа во случајот на сопственикот на „Детла“ не е возможно. Единствено преостанува да се следи текот на парите, што е многу тешко. -Тие пари никогаш не биле префрлени на сметка во Србија. Исплаќани се во странство или  во ќеса на рака. На пример: Мишковиќ може да каже дека ги финансирал Александар Вучиќ и Томислав Николиќ, ако се реши на  инат варијанта или пак може да спомене било кој што од страна ќе му го дошепнат. Тоа би била информација за внатрешна политичка употреба, но не и за кривична постапка. Тој би можел да бира кој ќе обвини, но искрено не верувам дека тоа ќе го направи, изјавил адвокатот Божо Прелавиќ. -Не може да се води постапка само за злопупотреба на службена положба, туку и за корупција во која по дефиниција мораат да учествуваат и поединци од власта, изјавил професорот и бивш судија Зоран Ивишевиќ. Тврдењата дека Мишковиќ имал свој платен список на политичари на кои месечно им давал од 30 до 50 илјади евра остра ги дематираа голем дел политичарите. Министерот за транспорт во Србија Милутин Маркоњиќ за медиумите изјавил дека ќе ги тужи сите оние кои тврделе дека и неговото име се наоѓа на листата на Мишковиќ. - Петнаесет години Мишковиќ не сум го ни видел ни слушнал, ова е апсурдно што ми го товарат,го имам видено само неколку пати уште кога Слободан Милошевиќ беше жив, изјавил Маркоњиќ. Министерот за финансии Динќиќ изјавил дека сопственикот на „Делта“ холдинг никогаш ништо му нема побарано, ниту пак дадено, и дека со  него се состанувал како и со сите стопанственици. Динќиќ истакнал дека со Мишковиќ се состанувале и разговарале сите политичари кои нешто значеле во Србија, од Зоран Ѓинѓиќ до Томислав Николиќ.