Српски „Блиц“ во 3Д издание
Објавено во: Стил 16 Септември, 2013
Редакцијата на дневниот весник Блиц денеска слави 17 роденден и по тој повод денешниот број е испечатен во 3Д, прво издание на весник во таков формат во Србија.
На 56 страници во боја со помош на посебни очила кои ќе бидат залепени на секоја насловна страничка, фотографиите ќе може да се гледаат „како да се живи“, наведува редакцијата на весникот на својата веб-страна.
– Тродимензионалниот свет во медиумите досега можевме да го гледаме во кино салите, но не и на хартија. Редакцијата на весникот Блиц се потруди на читателите да им открие нова димензија на печатено издание, прво од тој вид во Србија, се вели во соопштението од весникот.
