Српскиот бизнисмен Мишковиќ денеска на сослушување

Добивај вести на Viber

Неколку часа ги делат Мирослав и Марко Мишковиќ, како и Мила Чурашковиќ од почетокот на нивното сослушување. Останатите седумината приведени за случајот „Нибенс група“ се веќе сослушани. Откако сите приведени ќе бидат испрашани ќе се одлучува околу покренување на истрага и евентуален притвор од 30 дена. Се очекува да бидат испочитувани сите законски рокови и комплетната процедура да заврши до утре пред пладне кога на осмомничените им завршува мерката за задржување од  48 часа. Паралелно со оваа кривична постапка Обвинителството за организиран криминал ќе покрене и финансиска истрага. Бидејки се работи за голем систем се очекува оваа истрага да трае многу долго. Сите приведени се осомничени за злоупотреба на работната функција, затворска казна за такво кривично дело во Србија се одредува од две до 12 години. Соработката помеѓу Мишковиќ и Чупашковиќ започнала во 2005 година кога конзорциум, составен од "Делта М" Друштво за патишта "Ниш" и "Емисии брокер" го приватизирале  претпријатието  за патишта "Блеград". Месец  дена пред склучувањето на договорот за приватизација, претријатието за патишта Ниш земал 23 милиони евра кредит од фирмата на Мишковиќ "Хемслејд трејдинг лимитид" од Кипар. -Според кривичната пријава имовинска корист постои  и за 'Хемслејд' во износ од 1, 2 милиони евра.  Како и за Мила Чупрашковиќ во износ од една милијарда динари, бидејќи од ПЗП 'Ниш' заедно со својата  'Шер корпорација го презел раководењето над претпријатието 'Неметали', а подоцна го продал во износ за околу една милијарда и 800 милиони динари, изјавил Обвинителот. Постои сомневење дека Марко Мишковиќ станал сопственик на 48 посто од акциите на Компанијата за патишта-Ниш за девет милиони евра. Две години подоцна истите акции се продадени на Нибенс корпорацијата, но за 25 милиони евра, бидејќи вредноста на акциите била вештачки покачена од 30 на 110 евра.