Добивај вести на Viber
Српскиот парламент, со 134 гласа „за" и 65 „против", го одобри составот на новата влада на Cрбија и избра 11 нови министри. Новиот кабинет на српскиот премиер и министер за внатрешни работи, Ивица Дачиќ, ќе го сочинуваа министрите за сообраќај, Александар Антиќ, за култура Иван Тасовац, за образование Томислав Јовановиќ, за млади и спорт Вања Удовичиќ, за земјоделство Драган Гламочиќ, за регионален развој и локална самоуправа Игор Мировиќ и за одбрана Небојша Роди.
Министри без ресор се Сулејман Угљанин, Бранко Ружиќ, задолжен за евроинтеграции и Александар Вулин, задолжен за Косово и Метохија.
Членови на владата се и министерот за правда, Никола Селаковиќ, за финансии Лазар Крстиќ, за економија Саша Радуловиќ, за земјоделство Драган Гламочиќ, за енергетика, развој и животна средина Зорана Михајловиќ, за природни ресурси, рударство и просторно планирање Милан Бачевиќ, и за градежништво и урбанизам Велимир Илиќ.