Станале мултимилионери продавајќи маички на улица: Она што им го кажала мајка им ги направило успешни!
Објавено во: Финансии 19 Август, 2018 11:24
Браќата Берт и Џон Џејкобс, основачи на компанијата „Life is Good“ (Животот е убав), дошле на идеја која ги променила нивните животи засекогаш: Одлучиле да продаваат маици кои сами ги дизајнирале.
Браќата поминале тежок период од продажбата на маици од комби на улиците на Бостон, до тоа да водат мултимилионски бизнис. Тие веројатно никогаш не би успеале да не била нивната мајка, Џоан, која ги учела своите синови да ги видат само добрите работи во животот, без разлика на се.
Џон и Берт пораснале како најмлади, од шест деца во семејството кое припаѓало на ниско-средната класа. Кога биле во основно училиште, нивните родители имале страшна сообраќајна незгода. Нивната мајка поминала полесно, но нивниот татко претрпел трауми и не можел повеќе да ја користи десната рака.
Оваа трагедија влијаела многу на однесувањето на нивниот татко: Станал нервозен, сешто можело да го иритира и почнал да се кара и навредува без причина.
Но, и покрај сите неволји, нивната мајка и понатаму верувала дека животот е добар, Секој ден, кога семејството се собирало и вечерало заедно, таа би го поставила на децата ова прашање:„Кои беа добрите работи кои денеска ви се случија?“
„Зборовите на мајка ми беа едноставни, но целосно ја променија енергијата во просторијата. И пред да станеме свесни за тоа, ги пребарувавме само најдобрите, најсмешните и најбизарните делови на денот. Тој оптимизам е нешто што нашето семејство секогаш го имаше, дури и кога речиси ништо друго немавме“, раскажува еден од браќата.
Оваа мајка ги научила своите синови дека да се биде оптимистичен е избор кој го правиме секој ден. Берт и Џон го следеле тоа правило целиот свој живот. Почнале да продаваат облека на улиците на Бостон, и после пет години продажба имале само 78 долари на сметка. Но, не се откажале. Нивниот голем успех дошол откако го основале својот бренд и повторно ја лансирале компанијата -произведувале маици со смајли и фразата “Life is good” (Животот е убав).
Едноставен но позитивен дизајн ги освоил срцата на многумина, и на крајот на годината“Life is Good” продал маички во вредност од 87 000 долари. Денес, нивните маички, шешири и други предмети за носење се продаваат во продавниците ширум светот, а компанијата се проценува на 100 милиони долари, и го промовира здравиот начин на живот. Баш како и пред 22 години, тие го живеат своето мото “Life is good” а изгледа дека со тоа се сложуваат и илјадници купувачи ширум светот.
Можеби ќе ве интересира
ПРЕТСЕДАТЕЛКАТА ВЕЌЕ ЗНАЕ КОЈ ЌЕ БИДЕ ИДЕН ГУВЕРНЕР, НО ИМЕТО СЀ УШТЕ НЕ СЕ ОТКРИВА - кој ќе раководи со монетарната власт во земјава
„ШАНСАТА ЗА РАСТ НА ИНФЛАЦИЈАТА Е МНОГУ ПОГОЛЕМА“: Џејми Дајмон предупредува „и сегашните нивоа на царини се екстремни“
Ангеловска-Бежоска: Според ЕБРД, Извештајот има прогрес, но и потреба од зајакнување на структурните реформи за повисок животен стандард
(ВИДЕО) КИНЕЗИТЕ ИЗГРАДИЈА ДЕСЕТКАТИНИЦА ЗА 28 ЧАСА: Користеле посебен систем
АЛБАНИЈА СТАНУВА НОВАТА ЅВЕЗДА НА МЕДИТЕРАНСКИОТ ПАЗАР НА ЛУКСУЗНИ НЕДВИЖНОСТИ: Цена на квадрат на ривиера оди и до 5 илјади евра!
ФАКТОР ДОЗНАВА: ДЕНЕСКА НЕМА ДА ИМА ПРЕДЛОГ ЗА НОВ ГУВЕРНЕР - претседателката Давкова вчера имала интервјуа со тројца кандидати, Законот дава можност да размисли уште неколку дена
КОЈ Е ЕДЕН ОД НАЈБОГАТИТЕ ЦРНОГОРЦИ? Тежи повеќе од 100 милиони евра, а никогаш не би помислиле кој е тој
АКО САКАТЕ ДА ПЕЧАЛИТЕ ПАРИ НА БРОД, ОВА ТРЕБА ДА ГО ЗНАЕТЕ: Каков е животот далеку од дома?
ПРВ ПОЛОШ РЕЈТИНГ ЗА САД ОД 1917 ГОДИНА - Агенцијата „Мудис“ ѝ го намали кредитниот рејтинг од „ААА“ на „Аа1“
