Старите лица над 60 години повеќе не мора да се туркаат по амбулантите – стартува проектот „Домашна визита“

Добивај вести на Viber

Патронажни служби на Министерството за здравство од утре ќе посетуваат дома пациенти постари од 60 години кои имаат проблеми со здравјето и во домашни услови ќе вршат превентини здравствени прегледи. Како што информира министерот за здравство, Никола Тодоров, од утре ќе стартува новиот проект на Министерството, „Домашна визита“ за чија цел ќе бидат ангажирани 340 патронажни сестри кои работат во здравствените домови. Се очекува со посетите да бидат опфатени девет илјади пациенти. - Сестрите секојдневно, во точно утврден термин ќе имаат обврска за посета на стари, изнемоштени лица, лица со хронични болести, кои се избрани според дијагнозите евидентирани во националниот електронски систем „Мој термин“. Акцент ќе биде ставен на лица со кардиоваскуларни заболувања, хронични респираторни заболувања, дијабетес и други хронични заболувања – рече министерот Патронажните сестри во домовите, додаде тој, ќе вршат определени прегледи, мерење крвен притисок, шеќер во крвта, хемоглобин, холестерол, а во определени случаи и ЕКГ прегледи. Се очекува во следните два месеца да бидат посетени 9.110 лица постари од 60 години, од кои 5.794 пациенти боледуваат од тип 2 дијабетес мелитус, 2.747 пациенти боледуваат од тип 1 дијабетес мелитус и 569 пациенти боледуваат од астма.