Стартува изградбата на рударски комплекс во Казандол – шанса за нови вработувања

Добивај вести на Viber

Градбата на комплексот Казандол ќе започне утре.

Компанијата Сардич MЦ стартува со изградба на овој рударски комплекс во Казандол,  Валандово по реализирани двегодишни истражувања. Ова е првпат по 40 години во Македонија да се гради рудник. Инвестицијата е англиска и е проценета на 35 милиони евра, а во првите седум години се очекуваат приходи од  близу 135 милиони евра или околу 20 милиони евра годишно. Капацитетот на рудникот е 4.000 тони катоден бакар.

На Казандол има резерви од 33 милиони тони рудна количина. Досега се потврдени за 20 години експлоатација.

Во фабриката што ќе се изгради во комплексот ќе бидат  примени 100 луѓе, а индиректно во целиот комплeкс ќе бидат ангажирани 250 работници.

Рударскиот комплекс се очекува да има позитивно влијание во регионот, но и приходи за државата.

Се очекува производството на првите бакарни катоди да почне за една година. Производството ќе биде наменето за европскиот пазар.

Ова е прва фаза на проектот. Со отворање на следниот рудник планирано е и отворање дополнителен погон за преработка на катодите во бакарни цевки и валана жица.

Покрај концесијата за Казандол компанијата има концесија и за Петрошница и за Плавуш.