СТАТИСТИКА: Ова се трошоците за живот кои се намалиле во август…

Добивај вести на Viber

Се намалиле трошоците за живот во август во споредба со јули.

Намалувањето на индексот на трошоците на животот од 0.1% во август 2016 година, во споредба со претходниот месец, е резултат на пониските индекси на замрзнатото овошје за 2.9%, свежото и разладеното овошје за 2.5%, оризот за 2.4%, брашното и другите житарици и компирот за 1.7%, другите прехранбени производи за  0.7%, сувото овошје и јаткастите производи за 0.6%, сирењето и урдата за 0.5%, другите пекарски производи и другите преработки од месо за 0.4%, другите млечни производи за 0.3% и сушеното, соленото и чаденото месо за 0.2%. Ова го покажуваат податоците на Државниот завод за статистика.

Во август, исто така, намалување на индексите на трошоците на животот е забележано и кај централното  греење за домаќинствата за 10.7%, течните горива за домаќинствата за 5.8%, течните горива и мазива за 3.0%,  гасот за домаќинствата за 2.0%, информатичката опрема за 1.9%, средствата за лична хигиена и здравје за 1.3%, услугите за лична хигиена за 1.1%, резервните делови и опремата за сопствен превоз за 0.6%, обувките за 0.4% и средствата за чистење и одржување на станот за 0.2%.

Пораст на индексот на трошоците на животот во август 2016 година, во споредба со претходниот месец, е забележан кај месото за 1.0%, шеќерот, џемот, медот, чоколадата и кондиторските производи за 0.9%, свежиот и разладен зеленчук освен компирот за 0.7%, млекото и безалкохолните пијалаци за 0.3% и замрзнатиот зеленчук и сушениот зеленчук за 0.2%.

Раст на индексите на трошоците на животот е забележан и кај авионскиот превоз на патници за 43.5%, болничките услуги за 3.5%, велосипедите за 0.7%, текстилот за домаќинствата за 0.6%, туристичките  пакет-аранжмани за 0.5%, малите електрични апарати за домаќинствата и алатите и опремата за куќа и градина за 0.3% и лековите, накитот и часовниците за 0.2%.

Индексот на трошоците на животот во август 2016 година, во споредба со август 2015 година, бележи намалување  од 0.3%, а индексот на цените на мало бележи намалување од 0.2%.