Ставрески: Предвидениот економски раст ќе се оствари
Објавено во: Економија 12 Април, 2013
Македонија годинава ќе успее да го оствари предвидениот економски резултат, смета вицепремиерот и министер за финансии Зоран Ставрески.
Одговорајќи на новинарски прашања пред денешното одбележување 21. година од постоењето на Царинската управа, Ставрески оцени дека постепено заздравување на европската економија може да се очекува во втората половина од годината.
- Се уште има доста ризици, но се надеваме дека економската активност ќе оди во позитива и дека овој тренд што почна во Македонија во февруари со раст на индустриското производство, ќе продолжи, истакна Ставрески, изразувајќи надеж дека добри резултати ќе покажат и градежништвото и други сфери.