Ставрески: Во Скопје сум, не сум ја напуштил државата

Добивај вести на Viber

Поранешниот министер за финансии Зоран Ставрески ги демантира написите во дел од медиумите дека ја напуштил државата, и дека е можно тој да не е во земјава. Во кусата изјава за Фактор, Ставрески вели дека се наоѓа во земјава. „Не е точно дека сум надвор од државата. Тука сум во Скопје“, кусо одговори Ставрески. Дел од медиумите денеска пишуваа дека, Ставрески  повеќепати бил повикан на разговор во СЈО, но тој не се појавил, а последниот пат доставил известување за боледување, поради што не можел да присуствува на распитот. Инаку, Зоран Ставрески пред неколку месеци даде оставка од функцијата министер за финансии која писмено ја образложи со здравствени причини. Пред тоа, повеќе од половина година не се појавуваше во јавноста. Сепак, неговата оставка, дел од познавачите ја поврзаа и со земањето на еврообврзницата од 450 милиони евра, која се случи веднаш по неговото заминување од функцијата, а која ја спроведе неговиот наследник, министерот Кирил Миноски. Во бомбите на опозицијата, можеше да се слушне како Ставрески не се согласува со голем дел од политиките што ги води актуелната владејачка гарнитура. Сепак до крајот на својот мандат тој јавно не се конфронтираше со неговата партија и остана доследен во спроведување на зацртаната економска политика.