Стево Пендаровски го отстапи претседателското столче
Објавено во: Македонија 24 Мај, 2019
Шефот на државата Стево Пендаровски за момент му го отстапи претседателското столче на Васил Јанкула од Ресен, инаку лице со посебни потреби кој со специјално дизајниран трицикл го мина целиот западен дел од Македонија. Момчето со церебрална парализа во придружба на својот тренер и двајца браќа извозе 800км за 8 дена, сè со цел да ја крене свеста за перцепцијата на лицата кои живеат со ваква состојба.
„Денес го отстапив претседателското столче на Васил Јанкула од Ресен, момче со церебрална парализа.Овој Кабинет секогаш ќе работи за општество еднакво за сите“, напиша Пендаровски.
Васил, со својот подвиг докажа дека #СитеСмеИсти, сака да работи во својот град Ресен исполнувајќи го својот сон, еден ден да оформи свое семјство. Тој со својот трицикл, кој бил изработен специјално за него во Кавадарци, извозел од Ресен кон Битола, Прилеп, Градско, Велес, Скопје, Тетово, Гостивар, а го искачил во тешки временски услови превојот кон Маврово и Дебар, па продложил кон Охрид и Струга.
Васил Јанкула ни покажа на сите една многу важна работа, истрајноста е најважна, нема откажување!“-напиша Пендаровски.