Стигнаа украинските инвеститори, ќе градат хотели и ќе развиваат земјоделство

Добивај вести на Viber

Бизнис делегација од украина допатува во земјава за да види дали и каде може да се инвестира во македонија. аинските бизнисмени сакаат да го прошират својот бизнис преку Македонија. Според нивните најави тие се интересираат за земјоделството, хотелиерството, но и за експлоатацијата на минералните суровини.

Како што денеска истакна министерот за привлекување странски инвестиции Бил Павлевски, бенефициите во Индустриско-технолошките  развојни зони се посебно прифатливи за Украинците. Тој додаде дека има интерес за секторите и тоа главно за земјоделството особено при откуп на дистрибутивните центри. Павлески посочи дека на овој начин тие од домашните земјоделци би откупувале земјоделски производи кои би ги извезувале не само во Украина и Русија, туку и во други делови во Европа.

Министерот информираше и дека изградбата на  луксузни хотели е второто подрачје на интерес, а за таа цел е планирано да се разгледа оваа можност за Скопје и Охрид.

„Односите меѓу Македонија и Украина се развиваат во добра насока. Постои голема симпатија меѓу македонскиот и украинскиот народ и тоа резултира со овие наши средби“, изјави почесниот конзул на Украина и сопственик на Риксус груп, Василиј Микулин.

На оваа посетата на украинската бизнис делегација и претходеше неодамна одржаниот Бизнис форум во Украина каде учествуваше македонскат делегација.