СТОПАНСКА БАНКА СКОПЈЕ СО ВАЖНА ОДЛУКА - 40 милиони евра нема да одат за дивиденда, туку за развој на банката

Добивај вести на Viber

На седницата на Собранието на акционери што ќе се одржи на 28 март годинава, Стопанска банка Скопје треба да донесе одлука за прераспределба на дел од акумулираната добивка во добивка ограничена за распределба на акционерите.

Станува збор за сума од 2,46 милијарди денари или 40 милиони евра.

„Наведениот износ од оваа Одлука не е расположлив во иднина за исплата на дивиденда на акционерите (ограничена за распределба на акционерите) и како таков, во согласност со релевантната важечка регулатива на Народната Банка на Република Северна Македонија, има третман на основен капитал на Стопанска банка АД - Скопје“, сед вели во предлог одлуката за која ќе треба да се изјаснат акционерите на претстојното Собрание. 

Се додава дека наведениот износ од оваа Одлука ја вклучува распределената акумулирана добивка согласно Одлуките за распределба на добивката на Стопанска банка Скопје, во вкупен износ од 2.460.000.000 денари.

Во образложението се наведува дека Собранието на акционери на Стопанска банка АД – Скопје на своите годишни седници одржани во претходните години, донело релевантни одлукиза распределба на добивка, со кои акционерите расопоредија дел од добивката во акумулирана добивка.

„Со приложената Одлука се предлага акумулиранитедобивки од претходни години, во износ од 2.460.000.000 денари да се прераспределат во акумулирана добивка која нема да биде расположлива за исплата на дивиденда на акционерите во иднина (ограничена за распределба на акционерите). Наведеното е во согласност со одредбите на Одлуката за методологијатa за утврдување на адекватност на капиталот“, се вели во објавата.

Ова, како што објаснуваат од банката во одлуката, е со цел да обезбеди коефициентот на адекватност на капитал да биде усогласен со регулативните барања пропишани од страна на Народна Банка. 

„Воедно, наведеното ќе биде во поддршка на Деловниот план на Банката  во следниот период. Дополнително, ова ќе го зајакне основниот капитал на Банката преку прераспределба на акумулирана добивка во акумулирана добивка која нема да биде расположлива за исплата на дивиденда на акционерите во иднина (ограничена за распределба на акционерите) и ќе служи како основа за подршка на деловните и развојните цели на Банката“, се вели во предлог одлуката на Собранието на акционери.

Како што е познато, доминантен акционер на Стопанска банка Скопје е Националната банка на Грција, која рфасполафа со 94,64 отсто од вкупно издадените обични акции на банката.

Исто така, 1.244 физички лица од земјава поседуваат 3,46 отсто од акциите, а исто така и 115 компании односно домашни правни лица, имаат вкупно 1,81 процент од акциите на банката.

Н.Н.Ф.