МВР го зајакна возниот парк! Полицијата плати 447.000 евра за бензинци со алумински бандажи, дел се со автоматски менувачи
Објавено во: Финансии 04 Декември, 2024
Петнаесет нови „Шкоди“ ќе ја засилат флотата на МВР. Станува збор за девет „Октавии“ и уште шест „Скали“ со автоматски менувачи со седум брзини. Сите возат на бензин, а просечна цена по автомобил со вклучен ДДВ е 29.800 евра
Министерството за внатрешни работи (МВР) ќе купи 15 нови автомобили од производителот „Шкода“ за кои ќе плати 447.000 евра (со вклучен ДДВ). Тендерот како најповолен понудувач, во конкуренција на три компаии, го добила битолската компанија „Јосифов ДООЕЛ“ која е дилер за автомобили на чешкиот производител „Шкода“.
Станува збор за девет автомобили од моделот „Октавија“ и уште шест возила од моделот „Скала“. Заеднички им се пет работи: сите возила се бензинци, произведени се 2024 година и имаат дисплеј на тач, алумински бандажи и зафатнина на моторот од 1.498 кубици и моќност од 110 киловати односно народски кажано по 150 коњи. Вредно за истакнување е тоа што сите шест автомобили од моделот „Скала“ ќе бидат со автоматски менувач со седум степени + рикверц.
„Јосифов“ како најдобар понудувач освен најниската цена за своите возила дава гаранција од 100.000 изминати километри или возење 3 години. А освен редовен бесплатен сервис во гарантниот рок се обврзал да им менува и балансира летни со зимски гуми во шест ротации (три години н.з.). Исто така „Јосифов“ ќе ги плати и лепењето на полициските возила со налепници кои означуваат полициски возила согласно со правилниците на МВР.
Просечна цена за „Октавија“ е 30.910 евра со ДДВ, а за „Скала“ е 28.140 евра со ДДВ. Со вклучен ДДВ просечната цена што ќе ја плати МВР за секое од овие нови 15 „Шкоди“ е 29.800 евра.
Во спецификацијата, меѓу другото, пишува дека секое од овие возила ќе има сензори за паркирање, дигитално радио и дисплеј на допир (тач) од 8,2 инчи големина.
Повеќе детали за најновата набавка на возила за потребите на МВР е достапна на следниот линк https://e-nabavki.gov.mk/PublicAccess/home.aspx#/dossie-acpp/3e7f0fb6-57d2-49fa-b205-818e2911f561
Р.Ф.Можеби ќе ве интересира
НА ВЛАДИНА СЕДНИЦА ЌЕ СЕ ДОГОВАРААТ ПРОЦЕДУРИТЕ ЗА КРЕДИТНАТА ЛИНИЈА ЗА КОМПАНИИ - унгарскиот заем наскоро достапен
ПРАТЕНИК ВО СОБРАНИЕ ЗЕМА 28 ИЛЈАДИ ЕВРА ПОВЕЌЕ ОД КОЛЕГА ВО ХРВАТСКОТО – опозициската Левица бара законски измени
Банките додаваат „ветар во грб“ на финансиските пазари
QUANT, TRUMP и DOGE: Мемекоини - од тинејџерска шега до општествен феномен
ДАНОЧНА ИЗМАМА ТЕШКА НАД 11 МИЛИОНИ ДЕНАРИ - финансиска полиција гони компанија од Скопје, еве ги деталите
ГОДИНА ВО КОЈА МАКЕДОНЦИТЕ СЕ НАУЧИЈА ДА ШТЕДАТ ВО ДЕНАРИ, И ДОБРО ИМ Е - лани раст на граѓанските влогови во домашна валута за 634 милиони евра
КАКВО „ЗЛАТО“ БАРААТ ИНВЕСТИТОРИТЕ ВО КОМЕРЦИЈАЛНА БАНКА - со блокови и редовно вчера направен промет од над 700 илјади евра
ПРОСЕЧНАТА ПЛАТА СКОРО 42 ИЛЈАДИ ДЕНАРИ - еве кои сектори имаат повисоки плати, а каде се намалени
ПЛАТЕНИ СЕ 716 ИЛЈАДИ ЕВРА ЗА 1,17 ОТСТО ОД АКЦИИТЕ НА УНИ БАНКА - кој е купувачот во двата блока
