ЛЕВИЦА: Не за пензија на 67 години - пензионерите нема да ги плаќаат грешките на системот
Објавено во: Економија 03 Декември, 2024
Од Левица остро се спротивставија на предлогот на Фискалниот совет, старосната граница за пензионирање да се зголеми на 67 години.
Велат дека власта наместо да го подобри стандардот на пензионерите, го прави обратното.
„Владата предводена од ДПМНЕ-ВРЕДИ и ЗНАМ, наместо да креира политики за зголемување и подобрување на пензионерскиот стандард - истата работи против интересите на идните пензионери! Загрижувачки се информациите дека Владата, по препорака на Фискалниот совет, има намера да ја зголеми границата за пензионирање на 67 години. Македонија со години се соочува со одлевање на млада и работоспособна сила која поради погрешните трудови политики, приоретизирањето на останати критериуми како етничката припадност, наместо стручноста и компетентноста; поради ниските плати; повредите на работничките права - сѐ повеќе ја бараат среќата вон државата. Ваквите политики коишто Владата има намера да ги преземе, не само што нема да ги задржат младите тука, туку истите, дополнително, ќе стимулираат нивно отселување надвор од државата“, изјави координаторката на Програмскиот сектор Социјала при Политичката партија Левица, Катерина Јовановска.
Левица е категорично против зголемувањето на старосната граница за пензионирање.
„Нашиот став е јасен и непроменлив: Старосната граница за пензионирање треба да се намали на 60 години за жени и 62 години за мажи. Исто така, предлагаме да се утврди минимална пензија и изградба на дополнителни старечки домови. Бидејќи изговорот со кој Фискалниот совет ги предлага овие мерки се надминување на финансискиот јаз и дупка во ПИОМ, ѝ препорачуваме на Владата теретот за лошата ликвидна состојба на ПИОМ да не го префрла врз пензионерите, туку да направи итна ревизија на финансиското работење за ПИОМ, да ги уапси криминогените структури коишто работеа со Фондот и во иднина да креира домаќинско работење на истиот. Левица ќе се спротистави на спроведувањето на ваквите погрешни политики и нема да дозволиме зголемување на старосната граница за одење во пензија!“, вели Јовановска.
Додава дека пензионерите заслужуваат подобар и достоинствен живот.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВЛАДАТА ГИ СМИРУВА РАБОТНИЦИТЕ ЗА ПЕНЗИОНИРАЊЕТО: „Не се размислува за такво нешто“
„Бехтел и Енка“ ги доби првите 20 милиони евра од новата власт
МАКЕДОНСКИТЕ ПЛАТИ ЗАОСТАНУВААТ ВО ОДНОС НА ТИЕ ВО РЕГИОНОТ: Граѓаните се разочарани, велат младите допрва ќе бегаат во странство
СО СКИ КАРТА ЗА МАВРОВО, БЕСПЛАТНО ЌЕ СКИЈАТЕ И НА КОПАОНИК, ЗЛАТИБОР И СТАРА ПЛАНИНА: Еве каков договор склучиле скијалиштата на двете земји
АКО СЕ ПЕНЗИОНИРАМЕ НА 67, МАКЕДОНЦИТЕ ЌЕ ИМААТ НАЈСТАРИ РАБОТНИЦИ: Еве колкава е старосната граница за пензионирање во регионот
ДОАЃА ПОСЛЕДНИОТ СПОЕН ВИКЕНД ЗА ГОДИНАВА: Еве кој ден нема да се работи
ГРЦИЈА ВОВЕДУВА НОВИ, ОСТРИ МЕРКИ: Заборавете на одморот на кој сте навикнати
СЕПАК „ETIAS“ МОЖЕ ДА ВЕ ОДБИЕ: Еве што треба да знаете за новиот систем за влез во ЕУ
