Странски туристи прават бум во Велика Британија по Брегзит
Објавено во: Економија, Свет 20 Август, 2016
Бројот на туристите во Велика Британија се зголеми за 18% во текот на месецот по референдумот за излез од ЕУ, покажува студија на Tourism Alliance.
Истражувањето, спроведено меѓу 500 учесници на туристичкиот пазар, покажа дека слабеењето на британската фунта придонесе за развојот на надворешниот и внатрешниот туризам меѓу Британците.
Сепак, директорот на Tourism Alliance Курт Јансон забележува дека овој раст е веројатно минлив. Во врска со тоа, инвеститорите остануваат несигурни за иднината на локалната туристичка индустрија.
Јансон исто така, истакна дека околу 70% од странските туристи доаѓаат од земји од ЕУ, па туристичката индустрија е важно да ја задржи можноста за слободно движење на граѓаните на ЕУ и Велика Британија.
Претходно беше соопштено дека британските купувачи се опоравиле од шокот на Брегзит. Во јули 2016 година трговијата на мало се зголеми многу повеќе од очекуваното. Топлото време ја зајакне продажбата на облека и падот на британската фунта привлече странски купувачи подготвени да потрошат пари за луксузни стоки, вклучувајќи часовници и накит.