Страшен земјотрес во Кина, се проценува дека има стотина жртви
Објавено во: Свет 09 Август, 2017
Страшен земјотрес со јачина од 7 степени според Рихтер го погоди централниот дел на Кина. Во природната непогода според првичните информации од кинеските власти загинаа најмалку 13 луѓе од кои шестмина туристи, а 175 се повредени.
Од планинскиот дел на покраината Сечуан по првиот земјотрес со јачина од 6,6 степени евакиурани се над 30.000 туристи.
Стравувањата се дека во земјотресот загинале најмалку 100 луѓе, а над 1.000 се повредени, јавуваат агенциите.
Епицентарот на потресот бил на 200 километри северозападно од Џуџангоу, во провинцијата Сечуан, на длабочина од 32 километри.
Во тек е акција на извлекување на преживеаните под урнатините во која се вклучени 600 пожарникари.
Областа погодена од земјотресот е под заштита на УНЕСКО, и е популарна туристичка дестинација позната по езера. СПоред агенцијата Ксимхуа во моментот во паркот имало 38.000 луѓе.