СТРАШНО И НЕЧОВЕЧКИ: нападнат млад триатлонец, напаѓачите му ги сечеле нозете со пила
Објавено во: Свет 08 Март, 2018
Тројца непознати лица го нападнале јужноафриканскиот триатлонец Мленги Гвала, обидувајќи се да му ги исечат нозете.
-Во вторникот, во три часот наутро, Гвала тргна да се најде со пријателот со кого заедно тренира кога го нападнале три лица, изјавил Денис Џексон, директор на организација која им обезбедува секаков вид помош на спортистите во Дурбан.
-Бандата што го нападнала триатлонецот имала намера со пила да му ги исече нозете, дополнил Џексон.
Триатлонецот мислел дека се работи за кражба.
-Луѓето го чекале Гвала во грмушките. Најпрвин помислил дека имаат намера да го ограбат, па веднаш им ги понудил својот телефон, паричникот и велосипедот, изјавил пријателот на триатлонецот, Сандиле Шанге.
Но напаѓачите не го сакале тоа.
-Двајцата потоа го зграпчиле за горниот дел од телото, а третиот се обидел со пила да му ја исече ногата. Мислам дека стигнале до коската, а потоа не одело понатаму. Тогаш се обиделе да му ја исечат другата нога, раскажал Шанге.
Напаѓачите избегале кога случајно на тој дел од патот поминала полициска патрола.
Тој веднаш бил префрлен во болница каде што го оперирале.
-Прогнозите на лекарите се оптимистички, рекол Џонсон дополнувајќи дека не се јасни мотивите за нападот.