СТУДИРАЛ ИСТОРИЈА: Убиецот од Прага бил Чех, имал психички проблеми
Објавено во: Свет 21 Декември, 2023
Полициски извор вели дека убиецот од Прага бил Чех, студент по историја со психички проблеми.
Тој, наводно, го убил својот татко дома, а потоа таму поставил рачно изработена бомба, што не експлодирала. Потоа отишол на факултет со пушка во рака. Најверојатно се работи за автоматска пушка.
Полицајците од централна Чешка најавија потрага по млад човек поврзан со насилната смрт на маж во регионот. Тие не исклучуваат поврзаност со денешното пукање во Прага. Сега се проверува идентитетот, изјави портпаролката на полицијата Михаела Рихтер. Според неа, полицијата распишала потерница по маж роден 1999 година во врска со насилна смрт на маж роден 1968 година.Меѓу студентите на Филозофскиот факултет на социјалните мрежи кружи информација дека напаѓачот денеска го убил својот татко.
Расте бројот на загинати во пукањето. Има 15 загинати и 24 повредени.