Субрата Рој почна да ги враќа парите што ги должи, ќе му остане ли за инвестициите во Македонија?
Објавено во: Економија 16 Мај, 2013
Индискиот регулатор на пазарот SEBI стартуваше со процесот на поврат на парите што компанијата на Субрата Рој ги должи на граѓаните. Индиските медиуми јавуваат дека се враќаат парите што им се должат на индивидуалните сопственици, но парите се враќаат само во оние случаи каде регулаторот на пазарот SEBI утврдил целосна легална документација. На листата на оние кои имаат долг од компаниите на Субрата Рој постојат бројни случаи каде еден инвеститор е именуван на стотици места, а постојат и случаи на повеќе адреси да се јави еден ист инвеститор, како и стотици инвеститори на истата адреса, пишуваат индиските медиуми.
Затоа сега регулаторот на пазарот SEBI, води постапка и за утврдување на вистинските инвеститори чии податоци се квалификации се потврдени, а враќањето на парите ќе се врши по одлуката на Врховниот суд за да се спречат евентуални манипулации и злоупотреби. Дополнително и тврдењата на Субрата Рој дека дел од парите биле вратени, ќе се утврдува по судските инстанци. Индиското регулаторно тело СЕБИ, со одлука на Врховниот суд нареди компаниите на милијардерот Субрата Рој, да вратат околу 4,4 милијарди долари на измамените 2 милиони граѓани, а бидејќи парите не се враќале согласно предвидената динамика од државата, сметките на компнииите на Рој, како и на директорите беа замрзнати.Македонија не се откажува од инвестициите на Субрата Рој
Новиот градоначалник на Охрид, Никола Бакрачески, неодамна изјави дека Субрата Рој сепак ќе го гради својот хотелски комплекс во Љубаништа. Бакрачески посочи и се сретнал со преставници на индиската компанија Сахаријан Македонија на која биле договорени повеќе детали за проектот.
„Индиските инвеститори се сериозни во нивните намери и тие не отстапуваат од нивната намера заеднички со Владата на Македонија и во оној дел каде има ингеренции локалната самоуправа да создадеме предуслови конечно да почне да се реализира таа замисла која ќе биде од фундаметално значење за развојот не само на Охрид туку и на цела Македонија“ изјави тогаш Бакрачески.
Според плановите, индиската компанија во Охрид треба да гради монденски туристички центар на Охридското Езеро. Комплексот ќе содржи луксузни хотели, казина, спортски терени, пристаниште, објекти за забава и рекреација, одмор, терени за голф, спа центри, марина-хотели и казино на вода. Ќе се простира на површина од 240 хектари, а го има изработено британската Аткинс.
Контроверзниот бизнисмен, иако беше претставен како милијардер и голем инвеститор, сепак Субрата Рој, на сослушувањето пред регулаторот на пазарот СЕБИ неодамна изјави дека неговиот вкупен имот што го поседува не е поскап од 1 милион долари.
С.Н.Можеби ќе ве интересира
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
АРХИТЕКТОНСКО ЧУДО КОЕ ГО ИМПРЕСИОНИРА СВЕТОТ ВЕЌЕ 24 ГОДИНИ: Мост кој се претвора во подводен тунел и излегува во друга земја
